3-6 მარტს, „თბილისი - წიგნის მსოფლიო დედაქალაქის“ ფარგლებში, საქართველოში აშშ-ის საელჩოს, საერთაშორისო ლიტერატურული შოუქეისის კოლაბორაციული ფონდისა (International Literature Showcase Collaboration Fund) და საქართველოში გოეთეს ინსტიტუტის მხარდაჭერით, საგამომცემლო საკითხებზე ლექციების სერია ჩატარდება.
შეხვედრებს ჩაატარებენ PEN UK-ს, Granta-ს, Suhrkamp-ის, Scribe-ისა და სხვა ორგანიზაციების წარმომადგენლები, რომლებიც ადგილობრივ კოლეგებს თანამედროვე საგამომცემლო ტენდენციებსა და საკუთარ გამოცდილებას გაუზიარებენ.
ლექციები გაიმართება 12-დან 16 საათამდე, სასტუმრო Moxy-ში.
განრიგი:
3 მარტი
12:00 - “ქალი უბნის მაღაზიიდან”: ინდი ჰიტის ამბავი (მარკეტინგი)
13:00 - მე - მსოფლიოს საუკეთესო წიგნის მაღაზიაში (მარკეტინგი)
საიმონ ჰიფილდი, Granta
14:00 - სტარტაპ Grapevine-ის მეშვეობით აუდიტორიის გაზრდა (ინოვაცია, კომუნიკაცია)
ჰეზერ მარკსი, Words of Colour, No Bindings
4 მარტი
12:00 - საავტორო უფლებების ყიდვა და დაცვა
13:00 - საავტორო უფლებების გაყიდვა
კრისტოფ ჰასენცალი, Suhrkamp Verlag
14:00 - რა განსხვავებაა ორიგინალი ტექსტის განვითარებასა და რედაქტირებას შორის
15:00 - დებიუტს მიღმა: ავტორის განვითარება გრძელვადიან პერსპექტივაში
მოლი სლაითი, Editorial Director, Scribe UK
5 მარტი
12:00 - წიგნის გამომცემლობა ცვლილებების ჟამს
მიხაილ კოტომინი, Ad Marginem
6 მარტი
12:00 - თარგმნილი მხატვრული ლიტერატურა: საერთაშორისო სურათის ფორმირება
უილ ფორესტერი, PEN UK
14:00 - წიგნის დიზაინერის ცხოვრება: ჯონ გრეის ნამუშევრებისა და მიდგომების მიმოხილვა
ჯონ გრეი/gray318
ლექციებზე დასწრების მსურველებს, დარეგისტრირება twbc.ge-ზე გამოქვეყნებულ ბმულზე შეუძლიათ, სადაც მათთვის საინტერესო კონკრეტულ თემასაც მონიშნავენ.
ერთ მონაწილეს რამდენიმე ლექციის არჩევა შეუძლია, თუმცა უპირატესობა შესაბამისი პროფესიის აპლიკანტებს მიენიჭება, რისთვისაც, განაცხადის ფორმაში, თემები პრიორიტეტების მიხედვით უნდა მონიშნონ.
აღნიშნული პროექტი, შარშან შემოდგომაზე იგეგმებოდა, თუმცა, კოვიდპანდემიის გამო გადაიდო და მხოლოდ ონლაინლექციების სახით, შემცირებული მასშტაბით ჩატარდა. ლექციები Archipelago Books-ის, FSG-ს, Little Brown-ისა და Disney-ს სპიკერებმა ჩაატარეს.
"თბილისი - წიგნის მსოფლიო დედაქალაქი" UNESCO-ს პროექტია, რომელიც ხორციელდება თბილისის მერიის ფინანსური მხარდაჭერით. პროექტის გენერალური სპონსორია საქართველოს ბანკი.
