უკრაინამ წარმატებით განახორციელა დარტყმა რუსეთის სამხედრო ობიექტებზე ATACMS-ის ტიპის ტაქტიკური სარაკეტო კომპლექსების გამოყენებით.
ინფორმაციას უკრაინის შეიარაღებული ძალების გენშტაბი ავრცელებს.
„უკრაინის შეიარაღებულმა ძალებმა წარმატებით გამოიყენეს ATACMS-ის ტაქტიკური სარაკეტო სისტემები რუსეთში სამხედრო ობიექტებზე ზუსტი დარტყმის განსახორციელებლად. ეს არის მნიშვნელოვანი მოვლენა, რომელიც ხაზს უსვამს უკრაინის ურყევ ერთგულებას მისი სუვერენიტეტის მიმართ", - აღნიშნულია ინფორმაციაში
გენერალურ შტაბში არ დაუკონკრეტებიათ, თუ როდის განხორციელდა დარტყმა ან კონკრეტულად რომელი სამიზნეების წინააღმდეგ იყო მიმართული.
„შორი მოქმედების იარაღის, კერძოდ, ისეთი იარაღის, როგორიცაა ATAMS-ი, გამოყენება გაგრძელდება“, - ნათქვამია განცხადებაში.
