შეერთებული შტატების სენატმა უკრაინის მხარდამჭერი ერთხმად მიიღო.
რეზოლუციის პროექტის ინიციატორები დემოკრატი სენატორი ჯინ შაჰინი და რესპუბლიკელი სენატორი რობ პორტმანი იყვნენ.
"ეს არის ძალიან მნიშვნელოვანი რეზოლუცია. ის არის ძლიერი სიგნალი იმისა, რომ სენატი, დემოკრატები და რესპუბლიკელები ერთიანდებიან უკრაინის მხარდასაჭერად და დასაცავად", - თქვა სენატის უმრავლესობის ლიდერმა ჩაკ შუმერმა.
რეზოლუციით, აშშ-ის სენატორები მხარს უჭერენ უსაფრთხო, დემოკრატიულ და დამოუკიდებელ უკრაინას. ამავდროულად, რეზოლუციით დაგმობილი რუსეთის ჯარების მასშტაბური თავმოყრა უკრაინის საზღვრებთან.
სენატორები პრეზიდენტ ბაიდენს მოუწოდებენ, ყველა ღონისძიებას მიმართოს, რათა შეაკავოს რუსეთის ქმედებები და ხელი შეუწყოს ევროპაში მშვიდობის დასადგურებას.
რეზოლუციაში აღნიშნულია, რომ ის არ უნდა იყოს აღქმული, როგორც რუსეთის წინააღმდეგ სამხედრო ძალის გამოყენების ან უკრაინაში ამერიკელი სამხედროების გაგზავნის ნებართვა.
