აშშ-ში აივ ინფექციისგან მსოფლიოში მეოთხე ადამიანი გამოჯანმრთელდა. წერს The Wall Street Journal-ი.
გამოცემის ინფორმაციით, ამ დრომდე აივ ინფექციისგან გამოჯანმრთელების სამი შემთხვევა კაცებს უკავშირდება, ახლა კი მდგრად რემისიას ქალმა მიაღწია.
"საშუალო ასაკისა და შერეული რასის" ქალს Weill Cornell Medicine-სა და New York Presbyterian-ის ექიმები მკურნალობდნენ.
ნიუ იორკელი ექიმები იუწყებიან, რომ პაციენტს გაფართოებული ტესტირების დროს აივ-ინფექციის ნიშნები არ გამოვლენია იმ დრომდე, ვიდრე მან 2020 წლის ოქტომბერში ანტირეტროვირუსული მკურნალობა არ შეწყვიტა, იშვიათი გენეტიკური მუტაციის ღეროვანი უჯრედების ტრანსპლანტაციის შემდეგ, რომელიც აივ-ინფექციის ინვაზიას ბლოკავს. ხანგრძლივი რემისია მიანიშნებს, რომ პაციენტის ორგანიზმში ვირუსის უჯრედებმა გამრავლება შეწყვიტეს იმ პაციენტებისგან განსხვავებით, რომლებსაც რემისია არ აღენიშნებოდათ.
პაციენტში აივ-ინფექციის დაავადება ლეიკემიის მწვავე ფორმასთან ერთად მიმდინარეობდა. მას გადაუნერგეს ზრდასრული ნათესავის ღეროვანი უჯრედები და არანათესავი ახალშობილის ჭიპლარის სისხლი. აღნიშნული მკურნალობა, სავარაუდოდ, გამოადგება ადამიანთა უფრო ფართო წრეს, რადგან როგორც ექიმები მიიჩნევენ, აუცილებელი არ არის ჭიპლარის სისხლი გენეტიკურად ემთხვეოდეს პაციენტ-რეციპიენტს.
პირველი ადამიანი, რომელიც აივ-ინფექციისგან გამოჯანმრთელდა, იყო ტიმოთი რეი ბრაუნი, რომელსაც თავიდან "ბერლინელი პაციენტი" უწოდეს. ის 2020 წელს გარდაიცვალა, ლეიკემიის რეციდივის შემდეგ. 2019 წელს მკვლევარებმა განაცხადეს, რომ კიდევ ორმა მამაკაცმა ლონდონიდან და დიუსელდორფიდან მდგრად რემისიას ტრანსპლანტატების გადანერგვისა და აივ-ინფექციის სამკურნალო წამლების მიღების შეწყვეტის შემდეგ მიაღწია.
