Amazon Prime Video-მა გამოაქვეყნა სერიალი "ბეჭდების მბრძანებლის: ძალაუფლების ბეჭდების"/Lord of the Rings: The Rings of Power პირველი თრეილერი.
სერიალის სიუჟეტი დაფუძნებულია ლეგენდარული ჯონ რ.რ. ტოლკინის ნაწარმოებზე.
მოვლენები მორგოთის დამარცხების შემდეგ ვითარდება. ელფების დედოფალი გალადრიელი ხელმძღვანელობს ჩრდილოეთის ჯარებს და ნადირობს მორგოთის შეგირდ საურონზე.
სერიალის შემოქმედებითი ჯგუფის ინფორმაციით, სიუჟეტში თავმოყრილია შუახმელეთის მეორე ეპოქის ყველა გადამწყვეტი ისტორიაა: ძალაუფლების ბეჭდების შექმნა, ბნელი ლორდი საურონის აღზევება, ნუმენორის ეპიკური საგა და ელფებსა და ადამიანებს შორის უკანასკნელი ალიანსის დრამა.
სერიალის პრემიერა 2 სექტემბერს არის დაგეგმილი.
