საფრანგეთის პრეზიდენტი ემანუელ მაკრონი სატელეფონო საუბარს გამართავს რუსეთის პრეზიდენტ პუტინთან. იტყობინება სააგენტო AFP ელისეის სასახლზე დაყრდნობით.
გავრცელებული ცნობით, საუბარი 13 თებერვალს, შაბათს, პარიზის დროით შუადღისას გაიმართება.
მანამდე, პუტინთან მოსალოდნელ სატელეფონო საუბარზე განაცხადეს თეთრ სახლში.
ეროვნული უსაფრთხოების მრჩეველ ჯეიკ სალივანის განცხადებით, პრეზიდენტი ბაიდენი მოელის, რომ უახლოს ხანებში პუტინთან გასაუბრების შესაძლებლობა ექნება.
სხვა დეტალები, ლიდერებს შორის მოსალოდნელ საუბართან დაკავშირებით, სალივანს არ გაუმჟღავნებია. CNN-ი თეთრი სახლის წყაროზე დაყრდნობით იუწყება, რომ ბაიდენი-პუტინის საუბარი შაბათს გაიმართება.
პუტინთან მორიგი საუბრის შესახებ გავრცელებულ ინფორმაციას წინ უსწრებდა პრეზიდენტ ბაიდენის ვიდეოშეხვედრა ტრანსატლანტიკურ მოკავშირეებთან.
თეთრი სახლის ინფორმაციით, ბაიდენთან შეხვედრას ესწრებოდნენ ნატო-ს გენერალური მდივანი, ევროკომისიის პრეზიდენტი, ევროპული საბჭოს პრეზიდენტი, კანადის, დიდი ბრიტანეთის, იტალიის პრემიერ-მინისტრები, საფრანგეთი, პოლონეთის და რუმინეთის პრეზიდენტები და გერმანიის კანცლერი.
მედია ვარაუდობს, რომ ბაიდენმა მოკავშირეებს დაზვერისგან მიღებული ახალი ცნობები გაუზიარა.
