საქართველოს ეკონომიკისა და მდგრადი განვითარების მინისტრი ვერა ქობალია სააგენტო "ჯი-ეიჩ-ენთან" საუბარში "საქართველოს რკინიგზის" ხელმძღვანელის ირაკლი ეზუგბაიას მიერ თანამდებობის დატოვების შესახებ გავრცელებულ ინფორმაციას უაყოფს.
"ირაკლი ეზუგბაია თანამდებობას ინარჩუნებს და საქართველოს რკინიგზა ჩვეულ რეჟიმში აგრძელებს მუშაობას", _ განუცხადა ქობალიამ "ჯი-ეიჩ-ენს".
შეგახსენებთ, რომ რამდენიმე დღის წინ გავრცელდა ინფორმაცია იმის შესახებ, რომ "საქართველოს რკინიგზის" ხელმძღვანელი ირაკლი ეზუგბაია თანამდებობიდან გაათავისუფლეს და მის შემცვლელად ეკონომიკის ყოფილ მინისტრს, ამჟამად კი "იმედის" ჰოლდინგის ხელმძღვანელს გიორგი არველაძეს ამზადებენ. ასევე ვრცელდებოდა ინფორმაცია იმის შესახებ, რომ ეზუგბაიას თანამდებობიდან გაშვების საკითხი გადაწყვეტილია და იგი უკვე რამდენიმე დღეა სამსახურში აღარ გამოცხადებულა.
