ევროკავშირი საქართველოს ოკუპაციას არასდროს შეეგუება - ამის შესახებ ევროკომისიის პრეზიდენტმა ჟოზე მანუელ ბაროზუმ ბრიუსელში მიხეილ სააკშვილთან შეხვედრის შემდეგ განცხადა.
ეს პირველი შემთხვევაა, როდესაც ტერმინი „ოკუპაცია" ოფიციალურად მკვიდრდება ევროკავშირის ლექსიკონში.
" საქართველოს ოფიციალურად მოვუწოდებ განაცხადი გააკეთოს ევროკავშირის წევრობასთან დაკავშირებით. ჩვენ მხარს ვუჭერთ საქართველოს უსაფრთხოებას, სტაბილურობას, სუვერენიტეტსა და ტერიტორიულ მთლიანობას და საერთაშორისო საზოგადოებას მოვუწოდებთ გააკეთოს იგივე", - განაცხადა ბაროზუმ.
მისი თქმით, საქართველოსა და ევროკავშირს შორის თანამშრომლობა პროგრესულად ვითარდება.
"ივნისში საქართველოსთან ე.წ ასოცირების ხელშეკრულება გავაფორმეთ, რომელიც თავისუფალი ვაჭრობის შეთანხმებასაც მოიცავს, ამით ევროკავშირის ბაზარი საქართველოსთვის ხელმისაწვდომი გახდა. ასევე, გავაფორმეთ ხელშეკრულება სავიზო რეჟიმის გამარტივების საკითხზე. ჩვენ კარგად გვესმის ამ ნაბიჯის მნიშვნელობა საქართველოს მოქალაქეებისთვის", - აღნიშნა ევროკომისიის პრეზიდენტმა ჯოზე მანუელ ბაროზუმ.
