საკრებულოს ფრაქცია "ნაციონალების" ერთ-ერთი წევრის კოკი იონათამიშვილის განცხადებით, კომუნალურ გადასახადებზე დახმარებები მომავალშიც იქნება გათვალისწინებული.
მისი თქმით, თბილისის მერსა და ფრაქციებს შორის შეხვედრა, ამ საკითხებთან დაკავშირებით, ძალიან მნიშვნელოვანია.
"რაც შეეხება კომუნალურ გადასახადებს. ეს პროგრამა სოციალურად დაუცველი მოსახლეობისთვის მომავალშიც იქნება გათვალისწინებული. კერძოდ, წყალზე და დასუფთავებაზე მათ აქვს 50 პროცენტიანი შეღავათი, რაც 95 ლარს მოიცავს და ერთჯერადად გადაეცემათ. ეს თანხა გაიზრდება სულადობის გათვალისწინების მიხედვით", - განმარტა იონათამიშვილმა.
როგორც მან აღნიშნა, ამ საკითხთან დაკავშირებით მუშაობა მიმდინარეობს და ამ ეტაპზე კომენტარებს არ გააკეთებს.
