შს მინისტრის ვანო მერაბიშვილის განცხადებით, სპეცოპერაცია "ენვერის" შედეგების გახმაურება მზვერავის პროფესიულ დღეს, რომელიც 5 ნოემბერს რუსეთში აღინიშნება, საქართველოს შს სამინისტრომ სიმბოლურად დაამთხვია. ამის შესახებ მერაბიშვილმა "იმედის" ეთერში განაცხადა.
"ამ მასალაბის მოზადება ისე, რომ კარგად ყოფილიყოი გაშუქებული დაახლოებით ამ დღეს ემთხვეოდა. მართალია დაკავებები გაცილებით ადრე მოხდა, მაგრამ იმისათვის, რომ მოხდეს ასეთი სერიოზული საქმის გახმარუება და მედიისთვის გაცნობა, უფრო კარგია ხოლმე უკეთ მომზადება მასალების და დოკუმენტების და ჩვენც ასე ვთქვათ ეს შანსი ხელიდან არ გავუშვით - სიმბოლურად დავამთხვიეთ ამ ფაქტს", - განაცხადა მერაბიშვილმა და დასძინა, რომ სამინისტროში აღნიშნული გადაწყვეტილება 2-3 თვის წინ არ მიუღიათ, რადგან მაშინ ამისთვის ყურადღება არ მიუქცევიათ.
"ჩვენ როდესაც ვარჩევდით ზუსტ რიცხვს, შემთხვევით აღმოვაჩინეთ, რომ რუსეთში ეს დღესასწაული არსებობს, რადგან სამი წლის წინ დაწესდა", - აღნიშნა მერაბიშვილმა.
მანვე, უარყო რუსი პოლიტიკოსების ბრალდება, რომლის მიხედვითაც ქართულმა მხარემ "ენვერის" დეტალების გახმაურება საგანგებოდ დაამთხვია ლისაბონის ნატოს სამიტის დაწყებას.
"რუსმა კოლეგებმა გამოთქვეს აზრი, რომ ჩვენ ეს დავამთხვიეთ ნატოს სამიტის წინ, თუმცა არავის აზრად არ მოსვლია ამ პოლიტიკური კალენდარისთვის შეხედვა და საერთოდ რომ ავიღოთ ნებისმიერი პოლიტიკური კალენდარი, ვერ აღმოვაჩენთ ვერც ერთ 2 კვირას, სადაც რაიმე პოლიტიუკური აქტივობა არ არსებობს, დაწყებული იგივე რუსული პოლიტიკური აქტიურობა, გაეროს სხდომები, სხვადასხვა ვიზიტები, სამიტები, ამიტომ პოლიტიკურ კალენდარზე კარგად ჩანს, რომ მსოფლიო პოლიტიკური კალენდარი საკმაოდ დატვირთულია. რაიმე სპეციალურ ვადა ამისთვის არ შეგვირჩევია", - განმარტა მერაბიშვილმა.