კორპორაცია Apple-მა კალიფორნიაში, ახალი პროდუქტების ონლაინ პრეზენტაციის ფარგლებში, ახალი თაობის iPhone სმარტფონი - iPhone 13 და iPhone 13 Mini , iPhone 13 Pro და iPhone 13 Pro Max მოდელები წარადგინა.
ახალი iPhone 13 mini-ის ღირებულება 699 დოლარიდან დაიწყება, iPhone 13-ის 799 დოლარიდან, iPhone 13 Pro-ს ფასი 999 დოლარიდან, iPhone 13 Pro Max 1099 დოლარიდან.
iPhone 13 დიზაინით პრაქტიკულად არ განსხვავდება წინა მოდელისგან, თუ არ ჩავთვლით მთავარი კამერის ახალ არქიტექტურას, რომლის ორი ლინზა დიაგონალურად მდებარეობს.
გარდა ამისა, ოპტიმიზირებულმა არქიტექტურამ შესაძლებელი გახადა სმარტფონში უფრო ტევადი ბატარეის დაყენება.
ახალი iPhone 13 და iPhone 13 mini აღჭურვილია Super Retina XDR დისპლეით, რომელიც 28% -ით უფრო კაშკაშაა.
კომპანიამ ასევე წარადგინა ახალი iPad-ი, iPad Mini და Apple Watch Series 7.