თურქეთის, აზერბაიჯანის და პაკისტანის სამხედროები პირველად ჩაატარებენ ერთობლივ წვრთნებს. განაცხადა აზერბაიჯანის თავდაცვის სამინისტრომ.
უწყების ინფორმაციით, სამხედრო წვრთნები, რომელსაც აზერბაიჯანი უმასპინძლებს, 12-დან 20 სექტემბრამდე გასტანს.
ერთობლივი წვრთნების, სახელწოდებით "სამი ძმა - 2021", მიზანია სამი ქვეყნის სპეცდანიშნულების რაზმებს შორის თანამშრომლობის გაუმჯობესება, ცოდნისა და გამოცდილების გაზიარება.
მანამდე, ივლისში აზერბაიჯანის, თურქეთისა და პაკისტანის პარლამენტის თავჯდომარეებმა მიიღეს ბაქოს დეკლარაცია.
ერთობლივ დეკლარაციაში ხაზგასმულია სამ ქვეყანას შორის თანამშრომლობის გაძლიერების აუცილებლობა, რომელიც დაფუძნებულია კულტურულ და ისტორიულ კავშირებზე, ურთიერთპატივისცემასა და ნდობაზე. იგი ასევე ხაზს უსვამს თურქეთის, აზერბაიჯანისა და პაკისტანის როლს თავიანთ რეგიონებში მშვიდობის, სტაბილურობისა და განვითარების საქმეში.
