რუსეთის საგარეო საქმეთა სამინისტროში შეერთებული შტატების ელჩი ჯონ სალივანი გამოიძახეს.
რუსეთის საგარეო საქმეთა მინისტრის მოადგილემ სერგეი რიაბკოვმა აშშ-ის ელჩს ჯონ სალივანს განუცხადა, რომ რუსული მხარე ფლობს მტკიცებულებებს სახელმწიფო სათათბიროს არჩევნებში ამერიკული ტექნოლოგიური კომპანიების ჩარევის შესახებ.
"კატეგორიულად მიუღებელია ჩარევა ჩვენი ქვეყნის შიდა საქმეებში", - ნათქვამია რუსეთის საგარეო უწყების განცხადებაში, რომელიც აღნიშნული შეხვედრის შემდეგ გავრცელდა.
ფედერაციის საბჭოში რუსეთის შიდა საქმეებში ჩარევის წინააღმდეგ დროებითი კომისიის თავმჯდომარემ ანდრეი კლიმოვმა განაცხდა, რომ ამერიკული კომპანია Momentus Space მონაწილეობდა ალექსეი ნავალნის პროექტ "ჭკვიანი ხმის მიცემის" ტესტირებაში.
მისი თქმით, ნავალნის თანამოაზრე ლეონიდ ვოლკოვი Telegram-ზე წერდა, რომ ფუნქცია "ნავალნი" რეგისტრირებული იყო Momentus Space-ის თანამშრომლის, კორუფციასთან ბრძოლის ფონდის ყოფილი დირექტორის რომან რუბანოვის სახელზე 2014 წელს. 2021 წელს ფუნქციას დაემატა ინფორმაცია „ჭკვიანი ხმის მიცემის“ შესახებ.
