საქართველოში ამ დროისათვის სრულად COVID-ვაქცინირებულია მოზრდილი მოსახლეობის 19.4%-ი.
დაავადებათა კონტროლის ეროვნული ცენტრის ინფორმაციით, 10 სექტემბრის მონაცემებით სულ ჩატარებულია 1 433 296 აცრა. სულ მცირე 1 დოზით ვაქცინირებულია 879 384 ადამიანი - მოზრდილი მოსახლეობის 30.8%-ი.
სრულად ვაქცინირებულია 553 912 ადამიანი - მოზრდილი მოსახლეობის 19.4%-ი.
9 სექტემბერს აიცრა 24 325 ადამიანი.
ვაქცინაციის პროცესი საქართველოში 15 მარტს დაიწყო. დღევანდელი მონაცემებით, საქართველოში ოთხი ვაქცინით, "სინოფარმით", "სინოვაკით", "ასტრაზენეკათი" და "ფაიზერით" აცრაა შესაძლებელი.
ვაქცინაციის გეგმის თანახმად, წლის ბოლომდე, საქართველოს მოსახლეობის 60%, ანუ მილიონ 700 ათასი ადამიანი უნდა აიცრას.
