ახალი წლის შემდეგ სავარაუდოდ უნდა ველოდოთ კორონავირუსის ახალ ტალღებს, - ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
გაბუნიას თქმით, ახალი ტალღები განსაკუთრებით საშიში იქნება 60 წელს გადაცილებული მოსახლეობისთვის, რადგან სწორედ ამ კატეგორიაში ვაქცინაციის ტემპი დაბალია.
"შემდეგი ტალღა იქნება რეალურად კრიტიკულად საშიში ამ ასაკობრივი ჯგუფისთვის, თუ ჩვენ არ მივაღწიეთ მათ ვაქცინაციას.
ვერასდროს გამოვრიცხავთ სამომავლოდ რისი მოლოდინი უნდა გვქონდეს კორონავირუსის ასეთი უპროგნოზო და გარკვეულწილად სარისკო ცვლილებების პირობებში, ამდენად, რა თქმა უნდა, მოლოდინი ზოგადად არის, რომ შესაძლებელია, იყოს სხვა ტალღაც. ამისთვის უნდა ვიყოთ მაქსიმალურად მომზადებული. ჯერ რთულია საუბარი, ეს არ იქნება უახლოეს მომავალში, მაგრამ სავარაუდოდ, მომავალი წლისთვის უნდა ველოდოთ ახალ ტალღებს. ნოემბრის დასაწყისი ძალიან ადრეა, ეს იქნება უფრო ახალი წლის შემდეგ", - განაცხადა თამარ გაბუნიამ.
