მდინარე რიონმა რამდენიმე დღის წინ გაუჩინარებული 25 წლის მამაკაცის ცხედარი გამორიყა.
ალეკო ქობულაძის გვამი სოფელ გეგუთის მიმდებარე ტერიტორიაზე აღმოაჩინეს.
გარდაცვლილი 3 დღის წინ გაუჩინარდა. თვითმხილველების განცხადებით, ის მდინარეში ჯაჭვის ხიდიდან თავად გადახტა.
სამძებრო სამუშაოებში ქუთაისის სახანძრო-სამაშველო სამსახურის, იმერეთის სამხარეო ადმინისტრაციასა და ჯომარდობის ფედერაციის ქუთაისის ოფისის წარმომადგენლები იყვნენ ჩართულნი.
ქობულაძის ცხედარი ქუთაისის პროზექტურაშია გადასვენებული.
