რუსეთის ქალაქ ვორონეჟში სამგზავრო ავტობუსის აფეთქების შედეგად დაშავებულთა რიცხვი 19-მდე გაიზარდა.
ადგილობრივი მედიის ცნობით, ყველა დაშავებულია საავადმყოფოშია გადაყვანილი. სამი მათგანის მდგომარეობა მძიმეა.
ადრე ვრცელდებოდა ინფორმაცია, რომ 18 ადამიანი დაშავდა და 1 ქალი რეანიმაციაში გარდაიცვალა.
12 აგვისტოს, ღამით, ვორონეჟში სამგზავრო ავტობუსში აფეთქებდა მოხდა, როდესაც ის გაჩერებაზე იდგა, რათა მგზავრები ჩამსხდარიყვნენ.
თავდაპირველად, უბედური შემთხვევის გამომწვევ მიზეზად ავტობუსში დამონტაჟებული ბუნებრივი აირის ბალონის აფეთქებას ასახელებდნენ. თუმცა, ავტობუსის მფლობელმა კომპანიამ განაცხადა, რომ ავტობუსი დიზელზე მუშაობდა და მასში გაზის ბალონი ვერ იქნებოდა.
წინასწარი მონაცემებით, ავტობუსში ასაფეთქებელი ნივთიერებების კვალი არ აღმოჩნდა.
