გამოკითხულ რესპონდენტთა 53% მიიჩნევს, რომ საქართველოს მთავრობა კორონავირუსის პანდემიას კარგად უმკლავდება - ასეთია ეროვნულ-დემოკრატიული ინსტიტუტის (NDI) კვლევის შედეგები.
გამოკითხულთა 37 პროცენტი კი მიიჩნევს, რომ მთავრობა ცუდად უმკლავდება პანდემიას, ხოლო კითხვაზე პასუხი არ იცის გამოკითხულთა 10-მა პროცენტმა.
NDI-ს ინფორმაციით, აღნიშნული კვლევა 13-25 ივლისის პერიოდში საქართველოს მასშტაბით 2,016 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1.3 პროცენტი. რესპონდენტები შემთხვევით ნომერზე დარეკვის მეთოდით შეირჩნენ.
