შეერთებული შტატების დაავადებათა კონტროლისა და პრევენციის ცენტრმა (CDC) ორსულ ქალებს კორონავირუსის საწინააღმდეგო ვაქცინაციისკენ მოუწოდა.
სააგენტო Associated Press-ის ცნობით, ამ მოწოდების ფონია ქვეყნის ე.წ. ცხელ წერტილებში არსებულ საავადმყოფოებში სერიოზულად დაავადებული არავაქცინირებული ორსულების რაოდენობის შემაშფოთებელი ზრდა.
გამოცემის ინფორმაციით, მომავალი დედები კორონავირუსით გამოწვეული მძიმე გართულებების, მათ შორის მუცლის მოშლისა და მკვდრადშობადობის, მაღალი რისკის ქვეშ იმყოფებიან.
CDC-ის ინფორმაციით, ორსულებში ვაქცინაციის მაჩვენებელი დაბალია, მხოლოდ 23%-ს აქვს მიღებული ვაქცინის, სულ მცირე, ერთი დოზა.
"ვაქცინები უსაფრთხო და ეფექტურია და არასოდეს ყოფილა ვაქცინაციის გაზრდა უფრო სასწრაფო ვიდრე ახლა, რადგან უაღრესად გადამდები "დელტა" ვარიანტის წინაშე ვდგავართ და კორონავირუსით გამოწვეულ მძიმე შედეგებს ვხედავთ არავაქცინირებულ ორსულ ქალებს შორის", - აღნიშნა CDC-ის დირექტორმა, როშელ ვალენსკიმ გავრცელებულ განცხადებაში.
