საქართველოს ჯანდაცვის მინისტრის ეკატერინე ტიკარაძის განცხადებით, ჯანდაცვის სამინისტრო უკვე ზრუნავს გარკვეული სივრცეების მობილიზებაზე, სადაც ე.წ. საველე ჰოსპიტლების განთავსება იქნება შესაძლებელი. ამის შესახებ ტიკარაძემ "რუსთავი 2"-ის ეთერში განაცხადა.
"ჯანდაცვის სამინისტრო უკვე ზრუნავს გარკვეული სივრცეების მობილიზებაზე. ე.წ. საველე ჰოსპიტლების გახსნის ალბათობაზე ჩვენ უკვე ვსაუბრობთ შიდა ჯგუფში. თუმცა თქვენ იცით წინა ტალღებიდან გამომდინარე, რომ ჩემთვის ეს არის ძალიან არასასურველი სურათი და მეორე ტალღის პერიოდშიც მე ვიღებდი მტკიცე გადაწყვეტილებას იმასთან დაკავშირებით, რომ ჩვენ არ უნდა გაგვეხსნა საველე ჰოსპიტლები, ვინაიდან ეს მოქმედებს როგორც მკურნალობის ხარისხზე, ასევე მოსახლეობის ფსიქო-ემოციურ მდგომარეობაზე და ჩემთვის ეს არის ძალიან მნიშვნელოვანი და ჩემი გუნდიც იზიარებს ამ მოსაზრებას. შედარებით მკაცრი განცხადებები, რომელიც ისმის ბოლო პერიოდში ჯნდაცვის სამინისტროდან, მიმართულია იმისკენ, რომ ჩვენ თავიდან ავირიდოთ საველე ჰოსპიტლების გახსნა,"- განაცხადა ეკატერინე ტიკარაძემ.
