ქეითი ჰოჩული იქნება პირველი ქალი პოლიტიკოსი, რომელიც ნიუ იორკის გუბერნატორის თანამდებობას დაიკავებს.
ამ დრომდე, ქეითი ჰოჩული შტატის ვიცე-გუბერნატორის, მეტწილად ფორმალურ თანამდებობას იკავებს, ვიდრე ჯერ კიდევ მოქმედი გუბერნატორის, ენდრიუ კუომოს გადადგომა ოფიციალურად შევა ძალაში.
სექსუალურ შევიწრეობაში მხილებულმა ენდრიუ კუომომ გუშინ განაცხადა, რომ თანამდებობას ტოვებს. ორ კვირაში, შტატის გუბერნატორი 62 წლის პოლიტიკოსი ქეითი ჰოჩული გახდება.
ქეითი ჰოჩული ვიცე-გუბერნატორია 2014 წლიდან. უწინ იგი შეერთებული შტატების კონგრესის წარმომადგენელთა პალატის წევრი იყო დემოკრატიული პარტიიდან.
ჰოჩულიმ სირაკუზის უნივერსიტეტში ბაკალავრის ხარისხი, სამართლის მაგისტრის ხარისხი კი ამერიკის კათოლიკურ უნივერსიტეტში მიიღო.
ამ დროისთვის უცნობია, გეგმავს თუ არა ქეითი ჰოჩული მონაწილეობა მიიღოს 2022 წლის გუბერნატორის არჩევნებში.
