ხვალ, 10 ნოემბერს, თურქულ კომპანია "Kolin Construcion"-სა და საქართველოს ენერგეტიკის სამინისტროს შორის მდინარე ტეხურაზე ჰიდროელექტროსადგურების კასკადის მშენებლობის შესახებ მემორამდუმი გაფორმდება.
მემორანდუმს, ენერგეტიკის მინისტრი ალექსანდრე ხეთაგური და თურქული კომპანია "Kolin Construcion"-ის მმართველთა საბჭოს თავმჯდომარე ნაჯი ქოლოღლუ ხელს საზეიმოდ მოაწერენ.
საქართველოს ენერგეტიკის სამინისტრომ სამეგრელოს რეგიონში, მდინარე ტეხურაზე ჰიდროელექტროსადგურების კასკადის მშენებლობის მიზნით ინტერესთა გამოხატვა 2010 წლის თებერვალში გამოაცხადა. ინტერესთა გამოხატვის მიზანი იყო დაინტერესებული ინვესტორების მოწვევა, მათ მიერ წინადადებების წარმოდგენა და საუკეთესო წინადადების გამოვლენა, აღნიშნული პროექტის განხორციელების მიზნით.
ენერგეტიკის სამინისტროში განაცხადი 4-მა კომპანიამ შემოიტანა თურქულმა კომპანიებმა: ''Limak " და "Kolin Construcion"-მა, გერმანულმა - "O.Balgioglu Energy resources" და კანადურმა კომპანია "Charthage Energy"-მ. შესაბამისი წინადადებების შეფასებისა და განხილვის შემდეგ საქართველოს მთავრობამ გამარჯვებულად თურქულ კომპანია "Kolin Construcion" -ი გამოაცხადა.
პროექტით გათვალისწინებულია ოთხი ჰიდროელექტროსადგურისგან შემდგარი ტეხურის კასკადის მშენებლობა. კასკადის ჯამური სიმძლავრე შეადგენს მინიმუმ 105,7 მგვტ, წლიური გამომუშავებით 490 000 000 კვტ.სთ. კასკადი შედგება შემდეგი ჰიდროელექტროსადურებისგან: ერჯია, ცხიმრა, ნობულევი, ლეჩახა.
მშენებლობა 4 წელი გაგრძელდება, ხოლო განსახორციელებელი ინვესტიციების სავარაუდო მოცულობა 150 მლნ. აშშ დოლარია.
მემორანდუმი ხვალ, 10 ნოემბერს 14 საათზე სასტუმრო „რედისონში" გაფორმდება
