ხვალ, 10 ნოემბერს, ძალაში შედის მთავრობის გადაწყვეტილება ავტომობილების იმპორტიორებისთვის განბაჟების ვადისმ 20-დან 45 დღემდე გაზრადა.
როგორც დღეს ფინანსთა მინისტრმა კახა ბაინდურაშვილმა განაცხადა, ამ ცვლილებას საგადასახადო კოდექსში ცვლილებების შეტანა არ სჭირდებოდა, რადგან ეს არის ქვენორმატიული აქტი, რომელზეც გადაწყვეტილებას იღებს მთავრობა.
"ბოლო პერიოდში ავტომობილებმა სასაქონლო ერთეულებიდან პირველი ადგილი დაიკავა, რაც სეროზული ბიზნესია და მის ლოჯისტიკაში ჩართულია ადგილზე სხვა ბიზნესებიც, რაც ამ ბიზნესებისთვის დამატებითი შემოსავალია. თუ დღემდე ავტომობილების შემომყვანთათვის განბაჟების ვადა იყო 20 დღე ეს ვადა 45 დღემდე იზრდება, რაც საშუალებას აძლევს იმპორტიორებს გაცილებით მეტი ასორტიმენტი შემოიყვანონ და შესაბამისად შესთავაზონ ის საკუთარ კლიენტებს", განაცხადა ბაინდურაშვილმა.
მინისტრის თქმით, ბოლო პერიოდში დაკვირვებებმა გვიჩვენა, რომ თუ ადრე სომხები და აზერბაიჯანელები მანქანის საყიდლად მიდიოდნენ გერმანიაში დღეს ისინი შემოდიან საქართველოში და საქართველოდან გაყავთ ეს ავტომობილები.
მინისტრის თქმით, ეს გადაწყვეტილება სწორედ ამ ბიზნესის წახალისებისა და პროცედურების გამარტივებისთვის წინ გადადგმული ნაბიჯია.