ბათუმში შავი ზღვის რეგიონში ყველაზე მაღალი სასტუროს მშენებლობა იწყება. კომპანია B&G GEORGIA "ცათამბჯენის" მშეებლობას 2014 წლის 1-ელ მაისამდე დაასრულებს, ხოლო 2015 წლის 1-ელ იანვრამდე ექსპლუატაციაში შეიყვანს.
სასტურო ბათუმში, ზღვისპირა პარკის ტერიტორიაზე მდებარე 9805 კვმ მიწის ნაკვეთზე ააშენდება. სასტუმრო კომპლექსის ოპერირებას სასტუმრო ქსელთა საერთაშორისო ოპერატორი The Ritz-Carlton hotel company განახორციელებს. არანაკლებ 300 ნომრიანი ხუთ ვარსკვლავიანი სასტუმრო კომპლექსი სამორინეთი და შესაბამისი ინფრასტრუქტურით იქნება აღჭურვილი.
ახალი სასტუმრო კომპლექსის მშენებლობაზე პირველად განცხადება საქართველოს პრეზიდენტმა მიხეილ სააკაშვილმა გააჟღერა.
"ბათუმში დაიწყება კავკასიაში და შავი ზღვის რეგიონში ყველაზე მაღალი, თუ არ ვცდები, 60 სართულიანი სასტუმროს მშენებლობა კავკასიაში. ეს არის ჩვენი მომავალი, მაგრამ მომავალში არა მხოლოდ მშენებლები და დამპროექტებლები უნდა იყვნენ ქართველები, არამედ ინვესტორებიც. დღეს ეს დიდი საერთაშორისო კონსორციუმის ინვესტიციაა", _ განაცხადა მიხეილ სააკაშვილმა.