საქართველოს მთავრობის პროგნოზით, 2011-2014 წლებში სამომხმარებლო ფასების საშუალო წლიური ცვლილება 6-7 პროცენტის ფარგლებშია მოსალოდნელი.
მთავრობის პროგნოზული შეფასებებით 2010 წლისათვის სამომხმარებლო ფასები სავარაუდოდ 9 პროცენტით გაიზრდება.
2009 წელს 2008 წელთან შედარებით საშუალო წლიური საპროცენტო განაკვეთი სესხებზე ეროვნულ ვალუტაში 1.2%-ული პუნქტით გაიზარდა და 24.2%-ს გაუტოლდა.
უცხოურ ვალუტაში კი სესხებზე საპროცენტო განაკვეთმა 0.3%-ული პუნქტით მოიმატა და 21.3% შეადგინა.
რაც შეეხება საშუალო წლიურ საპროცენტო განაკვეთებს დეპოზიტებზე, ეროვნულ ვალუტაში აღნიშნული მაჩვენებელი 0.4%-ული პუნქტით შემცირდა, ხოლო უცხოურ ვალუტაში 0.8%-ული პუნქტით მოიმატა და შესაბამისად 10.8% და 9.7% შეადგინა.
