საქართველოს პრეზიდენტის, მიხეილ სააკაშვილის განცხადებით, საქართველოს ეკონომიკის განვითარების ყველაზე სწრაფი გზა სოფლის მეურნეობაშია. ამის შესახებ სააკაშვილმა "თავისუფალ უნივერსიტეტში" სტუდენტებთან შეხვედრისას ისაუბრა.
"ჩვენი ეკონომიკის სწრაფი განვითარების გზა სოფლის მეურნეობაშია. საქართველოს ეკონომიკის მხოლოდ 11-12 %-ს წარმოადგენს სოფლის მეურნეობა. ყველანაირად უნდა ვეცადოთ, რომ შემდეგი 5 წლის განმავლობაში ეს რიცხვი მინიმუმ ორჯერ გაიზარდოს. ამის გასაკეთებლად, როგორც კახა ბენდუქიძემ თქვა, გვჭირდება გამოცდილი სპეციალისტები", - განაცხადა სააკაშვილმა.
მისი თქმით, საქართველოში განვითარდება აგრარული უნივერსიტეტი, რომელიც კარგ სპეციალისეტბს გაზრდის. როგორც ის აღნიშნავს, კომუნისტების დროს ეს ინსტიტუტი ფაქტობრივად არ არსებობდა.
"ჩვენ გვჭირდება მინიმუმ 100 მილიონი ლარის ინვესტიცია, რომ ახალი ტექნიკები შემოვიდეს, ახალი რაღაცები ვასწავლოთ ხალხს, იმისთვის რომ მართლაც განვითარდეს სოფლის მეურნეობა. ამის გასაკეთებლად უნდა მოხდეს ჩვენი ხალხის შიდა ენერგიის გამოთავისუფლება", - განმარტავს სააკაშვილი.