"ელიტ ელექტრონიქსის" მაღაზიათა ქსელში, სხვადასხვა ბრენდის მაცივრებზე განხორციელებული აქციების შედეგად გაყიდვები ერთ თვეში 66 პროცენტით გაიზარდა.
"ელიტ ელექტრონიქსის" მენეჯმენტის ინფორმაციით, მკვეთრი მოთხოვნა მაცივრებზე, სხვადასხვა სასაჩუქრე და ფასდაკლების აქციის შედეგია და კომპანია გეგმავს ამ მიმართულებით მომხმარებელი კვლავ წაახალისოს.
"ქსელში წარმოდგენილ მაცივრებზე გაყიდვები 66 პროცენტით გაიზარდა, ხოლო კონკრეტულად "ბოშის" მაცივრის გაყიდვები ჯამში 73 პროცენტითაა გაზრდილი. აღსანიშნავია, რომ სექტემბრიდან მაცივარზე მოთხოვნა, როგორც წესი, მცირდება, მიუხედავად ამისა, აქციებმა იმდენად კარგად იმუშავა, რომ გაყიდვების ზრდის საკმაოდ დიდი მაჩვენებელი გვაქვს", - აცხადებს "ელიტ ელექტრონიქსის" დირექტორის პირველი მოადგილე დავით კენჭაძე.
მაღაზიათა ქსელში ამჟამადაც მიმდინრეობს, "აქცია დაზოგე", რაც "გორენიეს" მაცივრებზე ერთბაშად 200-ლარიან ფასდაკლებას გულისხმობს. "გარდა ამისა, ფასდაკლებასთან ერთად, ყველა მყიდველი საჩუქრად იღებს 100-ლარიან ვაუჩერს, რომლის განაღდებაც "გორენიეს" სარეცხი მანქანის შეძენის შემთხვევაში შეეძლება", -დასძენს კენჭაძე.
მენეჯმენტის ინფორმაციით, ქსელში მიმდინარე აქციების შედად, გაყიდვები შესამჩნევადაა გაზრდილი "ბოშის" გაზქურებსა და "დელის" ლეპტოპებზედაც. ორივე ეს პროდუქტი, გასული თვის განმავლობაში აქცია "დაზოგეში" მონაწილეობდა. "გასულ თვესთან შედარებით ამ ორი პროდუქტის გაყივებზე შესამჩნევი ზრდაა. "ბოშის" გაზქურებზე გაყიდვებმა გასულ თვეს 26 პროცენტით გადააჭარბა, ხოლო "დელის" ლეპტოპების გაყიდვები გაორმაგდა და გასულ თვესთან შედარებით 50-პროცენტიანი ზრდა აჩვენა", - აცხადებს კენჭაძე.
სს "ელიტ ელექტრონიქსი" საქართველოს სამომხმარებლო ბაზარზე 1996 წლიდან ფუნქციონირებს და სადღეოსოდ 21 მაღაზიას მოიცავს. კომპანიას გამოარჩევს, ფართო და მუდმივად განახლებადი ასორტიმენტი, საგარანტიო მომსახურება, შეძენილი ნივთის ადგილზე მიტანის, საქონლის განვადებით შეძენის სერვისი, მომსახურების მაღალი დონე, სისტემატურად ფასდაკლებებისა და სპეციალური საჩუქრების დაწესების ტრადიცია.