"SMS სესხი" ბანკის მიერ წინასწარ მტკიცდება და განკუთვნილია ბანკის სახელფასო მომსახურების პროგრამაში არსებული მომხამრებლებისთვის. იმისთვის, რომ მომხამრებელმა ისარგებლოს "SMS სესხით", მას უნდა მიუვიდეს "საქართველოს ბანკისგან" SMS, რომელიც სპეციალურ კოდს შეიცავს. სესხით სარგებლობის სურვილის შემთხვევაში, მომხმარებელს შეუძლია "საქართველოს ბანკის" ნებისმიერი ბანკომატიდან, შMS-ში მითითებული კოდის გამოყენებით, ჩარიცხოს სესხის თანხა საკუთარ პლასტიკურ ბარათზე.

"SMS სესხის" გააქტიურება მარტივია. მას შემდეგ, რაც მომხმარებელს მიუვა SMS "საქართველოს ბანკის" ნომრიდან 4444, რომ მის სახელზე დამტკიცებულია სამომხმარებლო სესხი, სურვილის შემთხვევაში, მომხმარებელს 30 დღის განმავლობაში შეუძლია მიაკითხოს "საქართველოს ბანკის" ნებისმიერ ბანკომატს, ჩატვირთოს მისი კუთვნილი პლასტიკური (სადებეტო) ბარათი და ბანკომატის მენიუში აირჩიოს "სესხის მიღება". მომხმარებელს ბანკომატის ეკრანზე გამოუჩნდება სესხით სარგებლობის პირობები, მათ შორის სესხის ვადა და საპროცენტო განაკვეთი. მომხმარებელი ასევე შეძლებს აირჩიოს მისთვის სასურველი გადახდის თარიღი და სესხის თანხა, დამტკიცებული ლიმიტის ფარგლებში. სესხის გააქტიურებისთვის, მომხმარებელი ბანკომატში შეიყვანს SMS-ით მიღებულ სესხის აქტივაციის ექვს-ნიშნა კოდს. ბანკომატში ოპერაციის დასრულების შემდეგ, მომხმარებელს დამატებით ეგზავნება SMS-ი სესხის გააქტიურების, ყოველთვიური გადახდის თარიღისა და ყოველთვიურად გადასახდელი თანხის მითითებით.

"SMS სესხით" სარგებლობა შეუძლია მომხმარებელს, რომელსაც: ხელფასი ერიცხება "საქართველოს ბანკში"; იმ შემთხვევაში, თუ აქვს მიმდინარე ვალდებულება, ხელფასი ჰყოფნის მიმდინარე და ახალი ვალდებულების მომსახურებას; ყოველთვიური ხელფასი აკმაყოფილებს სამომხამრებელო სესხით სარგებლობის პირობებს. ასევე აუცილებელია, რომ ბანკში რეგისტრირებული იყოს მომხმარებლის აქტიური ტელეფონის ნომერი, რათა მომხმარებელს მობილურზე მიუვიდეს შესაბამისი შეტყობინება SMS-ით.