სს "კაუკაზუს ენერჯი ენდ ინფრასთრაქჩამ" "მტკვარი ჰესის" სამშენებლო მოედნის ზემო ნაწილზე ინფრასტრუქტურული სამუშაოები დაიწყო.
დღემდე, ძირითადი სამუშაოები კონცენტრირებული იყო სამშენებლო მოედნის ქვედა ნაწილზე, სადაც დასაწნევი გვირაბის გათხრა და გამათანაბრებელი რეზერვუარის მშენებლობა მიმდინარეობს.
კომპანიამ დაასრულა 15 კილომეტრიანი ელექტრო გადამცემი ხაზის მშენებლობა და ელექტრო ტრანფორმატორის მონტაჟი, რომელიც უზრუნველყობს ასპინძის რაიონიდან ელექტრო დენის მიწოდებას მშენებლობის ზედა ნაწილზე.
კომაპანიის ინფორმაციით, დაწყებულია შიდა გზების, მუშების მოდულების, ჭების და მტკვარზე დროებითი ხიდის მშენებლობა და მისი დასრულების შემდეგ წყალსაშვის, სადერივაციო არხის, მზღუდავის და კაშხლის მშენებლობა დაიწყება.
"მოხარული ვართ, რომ დაიწყო ინფრასტრუქტურული სამუშაოები სამშენებლო მოედნის ზედა ნაწილზე, რომელიც პარალელურად გაგრძელდება ქვედა ნაწილის მშენებლობასთან ერთად - რაც უზრუნველყობს მშენებლობის დროულად დასრულებას", განაცხადა სს "კაუკაზუს ენერჯი ენდ ინფრასთრაქჩას" გენერალურმა დირექტორმა არჩილ მამათელაშვილმა.
