პარლამენტის თავმჯდომარე დავით ბაქრაძე იმედოვნებს, რომ საპარლამენტო განხილვების შედეგად ე. წ. "პატრიოტის აქტი~ ისეთ სახეს მიიღებს, რომ არ შეიზღუდოს სამოქალაქო თავისუფლების არც ერთი ფორმა. ეს განცხადება ბაქრაძემ ჟურნალისტებთან საუბრისას გააკეთა.
როგორც ბაქრაძე აღნიშნავს, მას კარგად ესმის გია თორთლაძის მოტივაცია, რადგან ქვეყანა რეალურად დგას დიდი საფრთხეების წინაშე.
",ჩვენ ვართ ქვეყანა, რომლის ტერიტორიის 20 % ოკუპირებულია მტრული ძალის მიერ და ეს ძალა გაჩერებას არ აპირებს. ოკუპანტი აგრძელებს მუქარას საქართველოს წინააღმდეგ და შიდა პოლიტიკაში ჩარევის მცდელობას. თუმცა მნიშვნელოვანია იმის უზრუნველყოფა, რომ "პატრიოტის აქტით~ არ დაირღვეს არც ერთი დემოკრატიული ღირებულება და არ შეიზღუდოს სამოქალაქო თავისუფლების არც ერთი ფორმა. ამიტომ მოსაძებნი იქნება დიდი ბალანსი, რომ ერთი მხრივ, ჩვენი ეროვნული უსაფრთხოების ბევრი ასპექტი იყოს დარეგულირებული, მეორე მხრივ, ეს არ მოხდეს დემოკრატიული ღირებულებების ხარჯზე~, - განაცხადა ბაქრაძემ.
მისი თქმით, კანონპროექტი განხილვების შედეგად სწორედ ასეთი სახით უნდა ჩამოყალიბდეს.