სეპარატისტული აფხაზეთის საგარეო საქმეთა მინისტრი სერგეი შამბა საქართველოში ევროკავშირის მისიის ხელმძღვანელის ჰანს იორგ ჰაბერის განცხადებას იმის შესახებ, რომ ევროკავშირი თანამგზავრების მეშვეობით დააკვირდება აფხაზეთსა და ე.წ. სამხრეთ ოსეთში რუსეთის სამხედრო აქტივობას "სისხლიანი რეჟიმის დაცვად აფასებს".
"როდესაც საქართველომ ომი დაიწყო აფხაზეთსა და სამხრეთ ოსეთში მაშინ რატომღაც არც ევროკავშირს და არც სხვა არავის არ მოსვლია აზრად ქართველი სამხედროების გადაადგილებაზე თანამგზავრიდან დაკვირვება. ხოლო ეხლა როდესაც ევროკავშირის კომისიის დასკვნითაც დადასტურდა, რომ 2008 წლის აგვისტოში სწორედ საქართველომ დაიწყო ცხინვალზე იერიში ევროკავშირი ცდილობს ამ სისხლიანი რეჟიმის დაცვას" - აცხადებს სერგეი შამბა და ირონიით აღნიშნავს, რომ იმის გამო რომ აფხაზეთის ე.წ. ხელისუფლება ევროკავშირის დამკვირვებლებს აფხაზეთის ტერიტორიაზე არ უშვებს "ისინი ჩვენ კოსმოსიდან დაგკვაკვირდებიან".
"ევროპაში ხალხი კარგად არის ინფორმირებული იმის შესახებ, რომ კრიზისის პირობებში რომლებიც თითქმის ყველა ქვეყანაში იგრძნობა ევროკავშირი კოსმოსიდანაც კი აპირებს თვალყურის დევნებას იმაზე, რომ აფხაზეთმა იერიში არ დაიწყოს საქართველოზე და ამ დიქტატორისა და მონსტრის მიხეილ სააკაშვილის რეჟიმი არ დაამხოს" - აცხადებს სერგეი შამბა.