ე.წ. აფხაზეთის ეპარქიის ხელმძღვანელმა ბესარიონ აპლიამ მოსკოვისა და სრულიად რუსეთის პატრიარქს კირილს და რუსეთის წმინდა სინოდს წერილი გაუგზავნა.
"გვინდა გაუწყოთ, რომ 15 წლის განმავლობაში ცხუმ-აფხაზეთის ეპარქიის ხელმძღვანელი მიტროპოლიტი დანიელ (დათუაშვილი) აფხაზეთის მართლმადიდებლური ეკლესიასა და მის სამწყსოს არავითარ ყურადღებას არ აქცევდა. ღვთისა და ერის წინაშე ვადასტურებთ, რომ არც მისგან და არც საქართველოს მართლმადიდებლური ეკლესიისგან არავითარი ეპისტოლეები, მილოცვები და სულიერი საზრდო ჩვენ არ მიგვიღია" - ნათქვამია წერილში.
ბესარიონ აპლია რუსეთის პატრიარქსა და წმინდა სინოდს სთხოვს, დაეხმაროს "დაკარგული აფხაზეთის მართლმადიდებლური ეკლესიის კანონიკური სტატუსის აღდგენაში".