აფხაზური ე.წ. ეპარქიის ხელმძღვანელმა ბესარიონ აპლიამ სრულიად საქართველოს კათალიკოს პატრიარქს,უმინდესსა და უნეტარესს ილია II-ს და საქართველოს მართლმადიდებლური ეკლესიის წმინდა სინოდს წერილი მისწერა.
წერილში აღნიშნულია, რომ მიმდიონარე წლის 15 სექტემბერს აფხაზეთის ე.წ. ეპარქიის წმინდა სინოდმა საქართველოს მართლმადიდებლური ეკლესიის დაქვემდებარებიდან გამოსვლისა და დამოუკიდებელი აფხაზეთის მართლმადიდებლური ეკლესიის შექმნის შესახებ გადაწყვეტილება მიიღო.
აპლია ასევე აღნიშნავს, რომ ახლადაღმოცენებულ ეპარქიას ბიჭვინთა-სოხუმის ეპარქია ეწოდება.
"ჩვენს მიერ ღვთისა და ერის წინაშე მიღებულ ამგვარ სერიოზულ გადაწყვეტილებას არანაკლებ სერიოზული საფუძველი გააჩნია. 1993 წლიდან მოყოლებული, უფრო კონკრეტულად კი სექტემბრის თვიდან აფხაზეთის რესპუბლიკის სამწყსოს სულიერი გამოკვება შეწყდა. ხალხი და ქვეყნის ტერიტიორია, რომელიც გაჯერებული იყო ქრისტეს სიყვარულით, ბედის ანაბარად იქნა დაგდებული. პრაქტიკაში არ ყოფილა მსგავსი პრეცენდენტი, რომ 16 წლის განმავლობაში უპატრონოდ დაგდებული სამწყსო არ განადგურებულიყო, მაგრამ ეს არ მოხდა. აქ ქრისტეს სიყვარული და რწმენა კიდევ უფრო მყარდებოდა" - ნათქვამია აპლიას წერილში.
საქართველოს კათილიკოს პატრიარქისადმი საკმაოდ ვრცელ გზავნილში ბასარიონ აპლიას მიმოხილული აქვს ე.წ. აფხაზეთის მართლმადიდებლური ეკლესიის საქართველოს მართლმადიდებლური ეკლესიისგან "დამოუკიდებლად განვლილი გზა", ჩამოთვლლი ჰყავს "აფხაზეთის, ბიჭვინთის საკათოლიკოსოს კათალიკოს პატრიარქები, "დასაბუთებული აქვს აფხაზეთის მართლმადიდებლური ეკლესიის საქართველოს მართლმადიდებლური ეკლესისგან ცალკე ყოფნა და არსებობა საუკუნეების განმავლობაში".
"ავღნიშნავთ რა საერთო და ძმურ ეკლესიის ისტორიას მივირეთ გადაწყვეტილება გაუწყოთ თქვენ სასიხარულო ამბავი. რა უნდა იყოს მცხეთის კათოლიკოსისათვის იმაზე სასიხარულო, რომ მან კვლავ შეიძინა მოძმე ეკლესია - ბიჭვინთის საკათოლიკოსოს, აფხაზეთის მართლმადიდებლური ეკლესია. განსაკუთრებით აღვნიშნავთ, რომ ჩვენ არცერთი მართლმადიდებლური ეკლესიის იურისდიქციაში არ შევდივართ. ჩვენ ჩვენს სამშობლოში ვცხოვრობთ და გთხოვთ, აღმოგვიჩინოთ დახმარება და მხარდაჭერა აფხაზეთში ჩვენი ეკლესიის მოწყობისათვის" - ნათქვამია წერილში.
"ვევედრებით თქვენს უწმინდესობასა და წმინდა სინოდს, არ დატოვოს ყურადღების გარეშე აფხაზეთის მართლმადიდებელტა თხოვნა და აფხაზეთის მართლმადიდებლური ეკლესიის, ბიჭვინთის საკათოლიკოსოს აღდგენაში დაგვეხმაროს" - ნათქვამია წერილის ბოლოს.