პარლამენტის წევრის დაპატიმრებას 90 დეპუტატის თანხმობა დასჭირდება. რეგლამენტში დაგეგმილ ცვლილებების პროექტს "ქართული ოცნება" დღეს ბიუროზე წარადგენს.
ცვლილების მიხედვით, დეპუტატის დაკავებას ან დაპატიმრებას, მისი საცხოვრებელი ან სამუშაო ადგილის, მანქანის ან პირად ჩხრეკაზე თანხმობის მიცემას პარლამენტის სრული შემადგენლობის 3/5, ანუ 90-ი დეპუტატი დასჭირდება.
დღეს მოქმედი რეგლამენტით, აღნიშნულ თანხმობას 76 დეპუტატის მხარდაჭერა სჭირდება.
მმართველი გუნდი ინიციატივის საფუძვლად მიშელის დოკუმენტის იმ პუნქტს ასახელებს, რომელიც პარლამენტის მიერ პოლიტიზებულ მართლმსაჯულებად აღქმულ საკითხებზე კანონმდებლობის საშუალებით და საჭიროების შემთხვევაში, რეგლამენტში შესაბამისი ცვლილებებით რეაგირებას ითვალისწინებს.
