ჩვენი ხელისუფლების პირობებში არასდროს მომხდარა ადამიანებზე ზეწოლა და მათი კომპრომეტაცია ჩანაწერების საშუალებით. ეს არ არის ჩვენი ხელისფულების ხელწერა. ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა.
მისი თქმით, ბერა ივანიშვილისა და ირაკლი ღარიბაშვილის წინააღდეგ შავი საინფორმაციო კამპანია იყო აგორებული.
"სააკაშვილის ხელისუფლების ხელწერაა, უკანონო მოსმენები, ადამიანის უფლებების უხეში დარღვევა, საკუთრებაზე თავდასხმა და ბიზნესის ტერორი და მედიის ტოტალური კონტროლი. ეს ახალი არ არის. დღეს არ მინდა ამაზე დრო დავკარგო, რადგან თითოეულმა თქვენგანმა იცის. ეს ასახულია მაშინდელ ანგარიშებში, ომბუდსმენისა და საერთაშორისო ანგარიშებში და ყველა ჩვენმა მოქალაქემ იცის, რა ხდებოდა სააკაშვილის ხელისუფლების დროს. ჩვენ არაერთხელ ვთქვით, რომ უკანონო ჩანაწერების გაკეთება არის საფრთხე, რომ ადამიანები, ვინც ამას აკეთებდნენ, ვინც ამას უკანონო გზით გადასცემდნენ სხვა ადამიანებს და ინახავდნენ, არ არის გამორიცხული , რომ ეს ადამიანები მომავალში გამოიყენებენ მათ მიერ შექმნილ უკანონო ჩანაწერებს რამე მიზნით. ჩვენ არაერთხელ ვთქვით, რომ უკანონო ჩანაწერების გაკეთება წარმოადგენს საფრთხეს, რომ მომავალში გამოყენებული იქნება რაიმე მიზნებისათვის.
ამ შემთხვევაში პრინციპულია, რომ ჩვენი ხელისუფლების პირობებში არასდროს მომხდარა ადამიანებზე ზეწოლა და მათი კომპრომეტაცია ჩანაწერების საშუალებით. ეს არ არის ჩვენი ხელისფულების ხელწერა. იმ შემთხვევებში როდესაც ასეთი პრეტენზიები იყო ხელისუფლებამ მოახდინა რეაგირება და რისი გამოკვლევის საშუალებასაც იძლეოდა ელექტორნული ჩანაწერები.
ამ შემთხვევაში ადგილი ჰქონდა დაგეგმილ, შავ საინფორმაციო კამპანიას ბერა ივანიშვილის და ირაკლი ღარიბაშვილის წინააღმდეგ. ბევრი კითხვებია რატომ დაემთხვა დიალოგის ამ მნიშვნელოვან მომენტს ჩანაწერების გამოქვეყნება. აშკარაა, რომ ამის უკან დგანან ადამიანები ვინც ჩვენს საზოგადოებაში ავრცელებენ ზიზღს, ხელს უწყობენ, რომ პოლიტიკაში იყოს დაპირისპირება. ეს არის „ჰეითერობა“ და „ჰეითერობა“ თანამედროვე საზოგადოებაში არის სირცხვილი“, - განაცხადა არჩილ თალაკვაძემ.
