ეკონომიკისა და მდგრადი განვითარების მინისტრის ნათია თურნავას განცხადებით, საზოგადოებამ ყურადღება უნდა მიაქციოს იმ ფაქტს, თუ რატომ გახდა ტელეკომპანია "პირველის" ეთერში გასული ჩანაწერები საჯარო ახლა.
თურნავას განცხადებით, უკანონო მიყურადება შემაშფოთებელი დარღვევაა.
"მთავარი და შემაშფოთებელი დარღვევა არის უკანონო მიყურადება. ჩვენ ეს დავამთავრეთ 2012 წელს და მსგავსი პრაქტიკა ძალიან შემაშფოთებელია. მაგრამ, მინდა, მეორე რამესაც მიაქციოთ ყურადღება და იმედია, პროკურატურა ამაზეც იმსჯელებს, თუ რატომ აღმოჩნდა ეს ჩანაწერები, ეს შეთითხნილი ჩანაწერები საჯარო ახლა, რატომ ახლა? იმიტომ, რომ რადიკალური ოპოზიცია ყოველთვის მსგავს ნაბიჯებს დგამს, როდესაც მოახლოებულია შეთანხმება, მაგიდის აყირავების მიზნით კეთდება ეს", - აღნიშნა ნათია თურნავამ.
