ჩემთვის პერსონალურად რთულად წარმოსადგენია, როგორ უნდა იჯდეს მოლაპარაკების მეორე მხარეს ირაკლი ღარიბაშვილი. აცხადებს "ნაციონალური მოძრაობის წევრი" თინა ბოკუჩავა.
მისი თქმით, ოპოზიცია შეიკრიბება, რათა საერთო პოზიციები შეაჯერონ ყველა საკითხთან დაკავშირებით.
"ოპოზიცია შეიკრიბება, რათა საერთო პოზიციები გვქონდეს ყველა საკითხთან დაკავშირებით, მათ შორის, მოლაპარაკებების გაგრძელებაზე. ჩემთვის პერსონალურად რთულად წარმოსადგენია, როგორ უნდა იჯდეს მოლაპარაკებისას მეორე მხარეს ირაკლი ღარიბაშვილი, რომელიც გუშინ გავრცელებული აუდიოს საფუძველზე, ეჭვმიტანილია უმძიმეს დანაშაულში. ნორმალურ სახელმწიფოში უკვე აღძრული იქნებოდა საქმე ამ ადამიანის წინააღმდეგ ისევე, როგორც სხვა ადამიანის, რომელიც ფიგურირებს ამ ჩანაწერებში, თუმცა სამწუხაროდ, ჩვენს ქვეყანაში არ გვყავს გამოძიება, რომელსაც მინიმალური სანდოობა აქვს, ამიტომ ვფიქრობ, მნიშვნელოვანია, მათ შორის საერთაშორისო აქტორების ჩართვა, საერთაშორისო ექსპერტიზის სახით, რათა დადასტურდეს აღნიშნული აუდიოჩანაწერის ავთენტურობა და ბიძინა ივანიშვილმა სხვა შიკრიკი გამოაგზავნოს მოლაპარაკების მაგიდასთან, თუ ამგვარი რაუნდი შედგა ჩვენი საერთაშორისო პარტნიორების მედიაციით", - განაცხადათინა ბოკუჩავამ.