2011 წელს საქართველო უმასპინძლებს საერთაშორისო ფორუმს, რომელიც აბრეშუმის გზის ქვეყნებს შორის საბაჟო ადმინისტრაციებასა და ვაჭრობის მხარდაჭერის ხელშეწყობის საკითხებზე იქნება ორიენტირებული.
რამოდენიმე დღის უკან, მე-3 საერთაშორისო ფორუმი თემაზე - საბაჟო ადმინისტრაციების როლი აბრეშუმის გზის ქვეყნებს შორის ვაჭრობის მხარდაჭერისა და ხელშეწყობის საკითხებზე, ირანში, უკვეგაიმართა. ფორუმში მონაწილეობა მიიღო 32 ქვეყნის საბაჟო ადმინისტრაციების ხელმძღვანელებმა და საერთაშორისო სატრანსპორტო ორგანიზაციამ.
ფორუმს ესწრებოდა მსოფლიო საბაჟო გაერთიანების ხელმძღვანელი კუნიო მიკურია. ქართულ მხარეს წარმოადგენდა შემოსავლების სამსახურის უფროსის მოადგილე ლევან გოთუა და საერთაშორისო ურთიერთობების ბიუროს უფროსის მოადგილე ნინო შარაშენიძე.
ფორუმზე წარმოდგენილი იყო თითოეული ქვეყნის საბაჟო და საგადასახადო სისტემის პრეზენტაცია, მათი სტრატეგიები და სამომავლო გეგმები. მონაწილეებმა დიდი დაინტერესება გამოიჩინეს საქართველოში შემოსავლების სამსახურის მიერ განხორციელებული რეფორმების მიმართ და გამოხატეს ინიციატივა ურთიერთთანამშრომლობაზე. მიუხედავად კორეისა და სხვა ქვეყნების დიდი მონდომებისა და რუსეთის წინააღმდეგობისა 2011 წლის ფორუმის ჩატარების ადგილად დასახელდა საქართველო.