„უნიქარდის" სერვის-ცენტრი თბილისის გარდა ქუთაისსა და ბათუმშიც ფუნქციონირებს. უნივერსალური დაგროვების ბარათით დღე უკვე ქუთაისის 20 ათასზე მეტი და ბათუმის 40 ათასამდე მაცხოვრებელი სარგებლობს. პირველი ნოემბრიდან კი ქულების დაგროვება უკვე რუსთავშიც იქნება შესაძლებელი.
„უნიქარდის" რეგიონალური გაფართოება კომპანიის 2010 წლის სტრატეგიის ნაწილია, რომელიც საქართველოს უმსხვილეს ქალაქებში წარმომადგენლობებისა და სერვის-ცენტრების გახსნას ითვალისწინებს. უნიქარდის ბაზარზე შემოსვლიდან ექვსი თვე გავიდა, ამ მოკლე პერიოდის მიუხედავად მომხმარებელთა რაოდენობა ყოველდღიურად იზრდება. კომპანია წარმომადგენლობების გახსნას სულ მალე თელავში, ზუგდიდსა და გორშიც გეგმავს.
უნიქარდის ბარათის აღება ქუთაისში 15-ზე მეტ კომპანიაშია შესაძლებელი, ქულების დაგროვებას კი ქალაქის 80-მდე ობიექტი გთავაზობთ. სულ ახლხანს გაიხსნა კიდევ ერთი ახალი სერვის-ცენტრი სავაჭრო ცენტრ „ქარვასლაში", ქუთაისის გარდა წარმატებით ფუნქციონირებს სერვის-ცენტრი ბათუმშიც.
აღსანიშნავია, რომ რუსთავში, ქუთაისსა და ბათუმში საწყისი ეტაპისთვის პარტნიორობისთვის მზად 30-მდე კომპანიაა, რომელთა რიცხვი დეკემბრის ბოლომდე კიდევ გაიზრდება.
უნიქარდმა 27 ოქტომბრამდე 71 006 საჩუქარი გასცა და პირველი სექტემბრიდან დღემდე 44 164 ახალი მომხმარებელი შეიძინა. სულ გაცემულია 344 164 დაგროვების ბარათი. საჩუქრები მრავალფეროვანია და მომხმარებლის ყველა სეგმენტზეა გათვლილი. საჩუქრების ღირებულება 15 ქულიდან იწყება.
ეწვიეთ უნიქარდის პარტნიორ 900-მდე სავაჭრო ობექტს საქართველოს მასშტაბით და დააგროვეთ ქულები ბარათზე და მიიღეთ შესაბამისი საჩუქარი.
უნივერსალური დაგროვებითი ბარათი „უნიქარდი" ქართულ ბაზარზე 2010 წლის 7 აპრილს შემოვიდა. „უნიქარდი" წარმოადგენს „უნივერსალ ქარდ ქორფორეიშენის" ბრენდს. ამ კომპანიის დამფუძნებლები ინგლისური საინვესტიციო ფონდი GML Capital-ის შვილობილი კომპანია Kazbeg Master Holding და საქართველოს მოქალაქეები არიან.
GML Capital მსხვილი საინვესტიციო ფონდი, რომელიც ახორციელებს სხვადასხვა ბიზნეს პროექტების დაფინანსებას აღმოსავლეთ ევროპის და კავკასიის რეგიონებში.
