უკრაინასა და აზერბაიჯანს შორის ენერგეტიკული თანამშრომლობა ახალ ფაზაში გადადის. ბაქო კიევს უფრო მეტ ნავთობპროდუქტებს მიაწვდის. ეს განცხადება უკრაინაში ილჰამ ალიევმა გააკეთა. აზერბაიჯანის პრეზიდენტი ვიქტორ იანუკოვიჩს ოფიციალური ვიზიტის ფარგლებში შეხვდა.
საწვავის მიწოდება გაიზრდება როგორც უკრაინისათვის ასევე ევროპაში ტრანზიტისთვისაც. ვიქტორ იანუკოვიჩისა და ილჰამ ალიევის შეხვედრის დროს საუბრის მთავარი თემა ენერგეტიკული საკითხები იყო თუმცა მათი დიალოგი პოლიტიკასაც შეეხო. უკრაინა "ოდესა-ბროდის" მილსადენით ევროპაში აზერბაიჯანული ნავთობის გატანას გეგმავს. ამჟამად ამ მილსადენით რუსული ნავთობის ტრანსპორტირება ხდება.
"წელს უკვე მილიონ ტონაზე მეტი აზერბაიჯანული ნავთობი მივაწოდეთ უკრაინას და ეს რაოდენობა კიდევ უფრო გაიზრდება, რადგან ჩვენ ნავთობის მოპოვების გაზრდას ვგეგმავთ. მომავალში კი ჩვენი მეზობლები კასპიის აღმოსავლეთით შეძლებენ აზერბაიჯანის გავლით უკრაინულ ბაზარზე გასვლას", _ განაცხადა აზერბაიჯანის პრეზიდენტმა ილჰამ ალიევმა.
მასალის გამოყენების პირობები