ახალი ეკონომიკური კრიზისის წინააღმდეგ ევროკავშირი ახალ გაერთიანებას შექმნის, რომელმაც ევროპას ფინანსური პრობლემები თავიდან უნდა ააცილოს. ახალი კავშირის იდეა გერმანიისა და საფრანგეთის პირველ პირებს ეკუთვნით.
ლიდერები შეთანხმდნენ, რომ მომავალი ფინანსური კრიზისის თავიდან ასაცილებლად შეიქმნება მუდმივი სისტემა, რომელიც ცალკეული ქვეყნების დავალიანებებსა და საბიუჯეტო საკითხს მოაგვარებს. დაწესდება სანქციები იმ წევრი ქვეყნების მიმართ, რომლებიც ბიუჯეტის დეფიციტსა და სახელმწიფო ვალის კონტროლს ვერ მოახერხებენ. ინიციატივით სამიტზე გერმანიის კანცლერი ანგელა მერკელი გამოვიდა. ამ საკანონმდებლო რეგულაციის დამტკიცებას ყველა წევრი პარლამენტის მიერ დოკუმენტის რატიფიცირებაც დასჭირდება.
"შევთანხმდით, რომ უნდა არსებობდეს კრიზისის დაძლევის მუდმივი მექანიზმი, რომელშიც წევრი-ქვეყნების წარმომადგენლები უნდა გაერთიანდნენ. ეს კი სამოკავშირეო ხელშეკრულებაში მცირე ცვლილებებს მოითხოვს", _ აცხადებს გერმანიის კანცლერი ანგელა მერკელი.
