მალაიზიაში დაკავებული საქართველოს მოქალაქეების გათავისუფლების პროცესში სახალხო დამცველი ჩაერთვება. გიორგი ტუღუში შუამდგომლობით საერთაშორისო ორგანიზაციებს უახლოეს დღეებში მიმართავს. დაკავებული ქართველები კი ამ დრომდე ციხეში ვერდიქტს ელოდებიან.
საქართველოს საგარეო საქმეთა სამინისტრო სავარაუდოდ დღეს მიიღებს ინფორმაცია მისი ვინაობის შესახებ. დღესვე საქართველოს მოქალაქეებს ქართველი თარჯიმანი შეხვდება.
გავრცელებული ინფორმაციით, დაკავებულებს ენობრივმა ბარიერმა ჩვენების მიცემის დროს პრობლემები შეუქმნა.
მალაიზია არის ქვეყანა რომელიც არ არის არც ერთი საერთაშორისო კონვენციის წევრი და მით უმეტეს ისეთი კონვენციის წევრი რომელიც ადამიანის უფლებების დაცვას უკავშირდება.
საქართველოს სახალხო დამცველი საქართველოს მოქალაქეების სამშობლოში ექსტრადირებას მოითხოვს, და მიიჩნევს, რომ როგორი მძიმეც არ უნდა იყოს დანაშაული ადამიანის სიკვდილით დასჯა მიუღებელია.
"სიკვდილით დასჯა დაგმობილია როგორც ევროსაბჭოს ასევე სხვა საერთაშორისო ორგანიზაციების მიერ. ძალიან ხშირია, როდესაც აღსრულდება ხოლმე სასჯელი და ამის შემდგომ გაისმის ამის კრიტიკა. მე ვფიქრობ, რომ ამ შეიძლება შედეგის მიღწევა, უბრალოდ აქ უნდა იყოს ძალიან აქტიური თანადგომა", _ აცხადებს სახალხო დამცველი გიორგი ტუღუში.
შეგახსენებთ, რომ საქართველოს ორი მოქალაქე მალაიზიაში ორშაბათს დააკავეს. მათ 11 კგ-ზე მეტი ნარკოტიკული ნივთიერება აღმოუჩინეს. ბრალის დამტკიცების შემთხვევაში საქართველოს მოქალაქეებს სიკვდილით დასჯა ემუქრება.