ყარსში (თურქეთის რესპუბლიკა) "ბაქო-თბილისი-ყარსი" სარკინიგზო მაგისტრალის პროექტის ექსპერტთა სამმხრივი სამუშაო შეხვედრა გაიმართა, რომელსაც აზერბაიჯანის რესპუბლიკის, თურქეთის რესპუბლიკისა და საქართველოს წარმომადგენლები ესწრებოდნენ.
შეხვედრაზე მხარეებმა ზემოაღნიშნული სარკინიგზო მაგისტრალის მშენებლობის მიმდინარეობის პროცესი და პროექტის ტექნიკური და ფინანსური დეტალები განიხილეს.
მხარეებმა ასევე დაათვალიერეს სამშენებლო ობიექტები თურქეთის ტერიტორიაზე, მოინახულეს თურქეთ-საქართველოს დამაკავშირებელი გვირაბის მშენებლობა და ასევე, საქართველოს ტერიტორიაზე მიმდინარე სამშენებლო სამუშაოები.
შეხვედრაზე აღინიშნა, რომ "ბაქო-თბილისი-ყარსი" სარკინიგზო პროექტის დიდი პოლიტიკური და ეკონომიკური მნიშვნელობა სამივე ქვეყნისათვის, მათ შორის რეგიონში დამატებითი ტვირთების მოზიდვის კუთხით.