საქართველოს პრეზიდენტი მიხეილ სააკაშვილი მაროკოში საერთაშორისო ეკონომიკურ ფორუმს ესწრება. როგორც "ჯი-ეიჩ-ენს" პრეზიდენტის ადმინისტრაციაში განუცხადეს, ფორუმში 62 ქვეყნის 1000-მდე ბიზნესმენი მონაწილეობს.
ეკონომიკური ფორუმის ფარგლებში ბიზნესმენები და სახელმწიფო დელეგაციები გლობალური ეკონომიკური პროექტების შესახებ იმსჯელებენ.
შეგახსენებთ, რომ სააკაშვილი შევიცარიაში ოფიციალური ვიზიტით იმყოფებოდა, სადაც 25 ოქტომბერს ფრანკოფონიის სამიტს დაესწრო. შევიცარიიდან სააკაშვილი მაროკოში გაემგზავრა. ჯერჯერობით უცნობია, როდის დაბრუნდება პრეზიდენტი სამშობლოში.
