უკრაინის, რუსეთისა და ევროკავშირის თანამშრომლობა შესაძლებელს გახდის, მინიმუმამდე იქნას დაყვანილი რუსეთის ბუნებრივი გაზის ევროპისთვის მიწოდების რისკები და უახლოესი ორი ათეული წლის განმავლობაში უზრუნველყოს ევროკავშირისთვის ბუნებრივი საწვავის სტაბილური მიწოდება. ამის შესახებ უკრაინის პრემიერ-მინისტრმა ნიკოლაი აზაროვმა განაცხადა.
"სამმხრივი თანამშრომლობა შესაძლოა გახდეს ხანგრძლივი და პროდუქტიული, თუ ჩვენ ჩამოვყალიბდებით _ რა მოცულობის გაზის მომხმარებელი იქნება ევროპა მომავალი ორი ათეული წლის განმავლობაში, რა მოცულობის მიწოდების უზრუნველყოფა შეუძლია რუსეთს და რა მოცულობის ტრანზიტის განხორციელებას შეძლებს უკრაინა", - განაცხადა აზაროვმა.
მან აღნიშნა, რომ ევროკავშირმა მხარი დაუჭირა უკრაინის ინიციატივას სამმხრივი მოლაპარაკებების გამართვისა და გაზის ბაზარზე ერთობლივი მუშაობის შესახებ. უკრაინის პრემიერ-მინისტრის თქმით, ქვეყანა ევროპაში რუსული გაზის სტაბილური ტრანზიტორია.
