საქართველოს მოქალაქეს, რომელსაც თუნდაც ერთი კომუნალური გადასახადი აქვს გადაუხდელი, ელექტროენერგიისა და ბუნებრივი აირის მიწოდება ავტომატურად შეუწყდება. ქვეყანაში კომუნალური გადასახადების ამოღების ახალი მექანიზმი ამოქმედდება.
ელექტროენერგიისა და ბუნებრივი აირის შესახებ კანონში ცვლილებები მიმდინარე თვეში შევიდა, რომლის მიხედვით, დენის, გაზის, წაყლმომარაგების და დასუფთავების გადასახადის ამოღება კოორდინირებულად მოხდება.
ადმინისტრირების სამსახურს უახლოეს მომავალში წაყლმომარაგების და ენერგეტიკის მარეგულირებელი კომისია შექმნის.
კომუნალური მომსახურების კომპანიები ვალდებულნი არიან, 2011 წლის პირველ იანვრამდე ყველა მომხმარებლის შესახებ ინფორმაცია კომისიას მიაწოდოს, რათა მონაცემთა ერთიანი ბანკი შეიქმნას. ცვლილებებიც, სავარაუდოდ, 1-ლი იანვრიდან ამოქმედდება.
