ენერგეტიკის მინისტრი ალექსანდრე ხეთაგური დღეს, რაჭაში სოფელ ხვანჭკარაში ს.ს. „ენერგო-პრო ჯორჯიას" მიერ დასრულებულ ინდივიდუალური გამხიცხველიანების სამუშაოებს დაათვალიერებს და სოფელ ჭრებალოში სამუშაოების მიმდინარეობას გაეცნობა.
სოფელ ხვანჭკარაში ინდივიდუალური გამრიცხველიანება რამოდენიმე დღის წინ დასრულდა. შედეგად გამრიცხველიანდა 280 აბონენტი. პროექტის ღირებულებამ შეადგინა 84 000 ლარი.
სოფელ ჭრებალოში ამჟამად ქსელის რეაბილიტაცია მიმდინარეობს, რასაც ინდივიდუალური მრიცხველების დამონტაჟება მოყვება. შედეგად გამრიცხველიანდება 239 აბონენტი.
ინდივიდუალური გამრიცხველიანება არ გულისხმობს აბონენტებისთვის მხოლოდ მრიცხველის მონტაჟს; ეს პროცესი მოიცავს ქსელის მასშტაბურ რეაბილიტაციას, რომლის ფარგლებშიც მთლიანად იცვლება ამორტიზირებული კაბელები ახალი სადენებით, ძველი ხის ბოძები - ახალი რკინაბეტონის ბოძებით, რემონტდება სატრანსფორმატორო პუნქტები და მნიშვნელოვნად უმჯობესდება ქსელის ინფრასტრუქტურა.
ინდივიდუალური გამრიცხველიანების პროცესი ფართო მაშტაბით მიმდინარეობს. სამუშაოები პარალელურად წარმოებს პრაქტიკულად ყველა რეგიონში და წლის ბოლომდე 120 სოფლისა და დასახლებული პუნქტის ინდივიდუალური გამრიცხველიანება დასრულდება.
ჯამში 2010 წელს ინდივიდუალური მრიცხველი გაუმონტაჸდება დამატებით 120 000 ზე მეტ აბონენტს.
საქართველოს რეგიონების ინდივიდუალური გამრიცხველიანება მომავალ წელს გაგრძელდება და საქართველოში არსებულ ყველა აბონენტს 2013 წლის ბოლოსათვის მოიცავს.