რუსული ავიაკომპანია "სიბირი" რუსული მხარისგან საქართველოს მიმართულებით ფრენების ვადის გახანგრძლივებისთვის, რუსეთის მთავრობის ნებართვას ელოდება.
აღნიშნული ნებართვა ავიაკომპანიამ თბილისისგან უკვე მიიღო.
"სიბირმა" მოსკოვი-თბილისი-მოსკოვის მიმართულებით რეისების შესრულების უფლება 30 ოქტომბრის ჩათვლით მიიღო.
ავიაკომპანიამ მოსკოვი-თბილისის მიმართულებით რეისების შესრულება 23 აგვისტოდან დაიწყო და რეისები კვირაში სამჯერ _ ორშაბათს, ხუთშაბათს და შაბათას სრულდება.
მგზავრებს AIRBUS A 319 ტიპის ხომალდი ემსახურება.
შეგახსენებთ, რომ პირდაპირი რეისები თბილისსა და მოსკოს შორის ორი წლის წინ, 2008 წელს აგვისტოში შეწყდა და ამ პერიოდში პერიოდულად სრულდებოდა ჩარტერული რეისები _ მეტწილად სადღესასწაულო დღეებში.