"უნიქარდი" უახლოეს თვეებში მომხმარებელთა მნიშვნელოვან ზრდას ელის, რაც წამახალისებელ აქციებს უკავშირდება.
ამ დროისათვის რამდენიმე აქცია მიმდინარეობს - „უნიქარდი თქვენი უბნის მარკეტებში" (5 ქულა + 5 ქულა) და მაღაზიათ ქსელ „ჯორდანოსთან ერთობლივი აქცია, რომლის ფარგლებში ბარათის მფლობელები გასამმაგებულ ქულებთან ერთად 20 პროცენტამდე ფასდაკლებითაც ისარგებლებენ.
სიახლეა "უნიქარდის" პარტნიორ კომპანიებშიც. „ელიტ ელექტრონიქსი" მაღაზიათა ქსელს აფართოვებს. კომპანია მომხმარებელს კიდევ ერთ, განსხვავებული ფორმატის მაღაზიას „თბილისის ცენტრალის" კომპლექსში სთავაზობს, რომელიც აქამდე არსებული ტექნიკის მაღაზიებისგან განსხვავებული სტილით იქნება წარმოდგენილი და მომხმარებელს ყველაზე ფართო ასორტიმენტს შესთავაზებს. შესაბამისი მემორანდუმი მხარეებმა უკვე გააფორმეს.
„თბილისის ცენტრალში" მაღაზია მომხმარებელს 1 დეკემბრიდან მოემსახურება და 2000-ზე მეტ დასახელების ტექნიკას შესთავაზებს. ეწვიეთ „ელიტ ელექტრონიქსის" მაღაზიებს და დააგროვეთ ქულები უნიქარდზე - 100 ლარზე 10 ქულა.
უნიქარდმა 26 ოქტომბრამდე 71 006 საჩუქარი გასცა და პირველი სექტემბრიდან დღემდე 44 164 ახალი მომხმარებელი შეიძინა. საჩუქრები მრავალფეროვანია და მომხმარებლის ყველა სეგმენტზეა გათვლილი. საჩუქრების ღირებულება 15 ქულიდან იწყება. ნესმისმიერ ადამიანს შეუძლია დააგროვოს ქულები და მიიღოს შესაბამისი საჩუქარი.
შეგახსენებთ, რომ უნივერსალური დაგროვებითი ბარათი „უნიქარდი" ქართულ ბაზარზე 2010 წლის 7 აპრილს შემოვიდა. დღემდე გაცემულია 300 ათასზე მეტი ბარათი და „უნიქარდით" სარგებლობა 900-მდე ობიექტში არის შესაძლებელი.
„უნიქარდი" წარმოადგენს „უნივერსალ ქარდ ქორფორეიშენის" ბრენდს. ამ კომპანიის დამფუძნებლები ინგლისური საინვესტიციო ფონდი GML Capital-ის შვილობილი კომპანია Kazbeg Holding და საქართველოს მოქალაქეები არიან.
GML Capital არის მსხვილი ინგლისური ბანკის შტანდარდ Bank-ის მიერ შექმნილი საინვესტიციო ფონდი, რომელიც ახორციელებს სხვადასხვა ბიზნეს პროექტების დაფინანსებას აღმოსავლეთ ევროპის და კავკასიის რეგიონებში