სადაზღვევო კომპანია "არდი ჯგუფი" საქართველოს პრეზიდენტის ინიციატივას, რომელიც ქვეყანაში ხორბლის საკუთარი მარაგების შექმნას ითვალისწინებს, ეხმაურება და საკითხისმნიშვნელობიდან გამომდინარე, ფერმერებს მხარდაჭერისა და სტიმულირების მიზნით, ხორბლის მოსავლის დაზღვევის სპეციალურ პირობებს სთავაზობს. კომპანია "არდი ჯგუფის" მიერ შემუშავებული დაზღვევის ინვოაციური პროგრამა ფერმერს მოსალოდნელი ზარალისგან დაიცავს.
"სასოფლო-სამეურნეო კულტურების მოყვანის პროცესში ძირითადი რისკი მოულოდნელი ცუდი კლიმატური და სხვა გარემო პირობებია. ამ ფონზე, ჩვენი სურვილია გვერდში ამოვუდგეთ ნებისმიერ ფერმერს, რომელიც ქვეყანაში ხორბლის მარაგების შექმნის პროცესში მიიღებს მონაწილეობას.
სამწუხაროა, რომ სადაზღვევო კომპანიების მხრიდან სოფლის მეურნეობის სფერო დღემდე არ ყოფილა დაცული," - განაცხადა "არდი ჯგუფის" გაყიდვების დირექტორმა გიორგი ლომიძემ.
საქართველოში სამეწარმეო და სხვა სფეროების განვითარების სტიმულირებისთვის "არდი ჯგუფი" ომავალშიც გააგრძელებს ინოვაციური პროდუქტების შემოთავაზებას.